《科網爆破？》
跟住就同大家講埋上個星期四同五，响美股納斯達克指數度發生既兩單大野：就係飛卜（FB）同推特（TWTR）輪流响業績之後冧檔——講緊既係單日要跌兩成呀——真冧檔，唔是調整咁簡單！理論上，係一日牛轉熊既大利淡走勢！有好多人就擔心，响過往呢幾年，全球市場都係靠美股頂住個雞頭，而科技股就更加係最頂得既板塊。而如今個版好似冧喇，豈不是個世界就冧？
拿，咪危言聳聽住先。首先睇睇飛卜份業績，其實收入按年升42%至132億，只係略遜市場預期既133億，不過，就話係2015年以來首次miss左預期渦！至於推特就衰第二範，係活躍既用戶人數減少呀，按季減少左100萬，主要係因為剷除左好多虛假帳戶呀（其實事前知道架喇，但都要洗！）介紹返丫，佢業績無問題個渦，次季純利1億，符預期，不過so99y呀，都要死！
其實成件事反映出一樣野：唔係股災就黎到，唔係市場風險胃納萎縮，而係風水輪流轉啊！科技股炒得太耐喇，估值都咁高，市場太crowded trade，係時候要轉轉焦點，就炒下舊經濟丫！業績期到左依家，科技股一隻一隻沉淪，但你估唔到既係：績後做得最好既（順次序排）係工業、原材料同能源呀！咪又即係同中港股市炒緊既一樣——係老土野啊！依家，大家終於明白點解我近黎鍾情於老土既板塊啦？！
Search